Miongozo ya Usalama

Miongozo hii inakusaidia kufanya kazi salama na kuepuka matapeli.

Kwa wateja

• Kubalianeni kwenye chat. Andika bei, kazi itakayofanywa na muda kwenye chat ya Fundi Mkononi kabla kazi haijaanza. Inakuwa ushahidi kukitokea tatizo.
• Usilipe yote mapema. Lipa baada ya kazi kukamilika na kuridhika. Pesa ya vifaa nunua mwenyewe, au nenda dukani pamoja na fundi.
• Angalia wasifu. Soma maoni ya wateja wengine, angalia picha za kazi na beji ya NIDA.
• Usalama nyumbani. Mtu mwingine awepo karibu fundi akiwa nyumbani kwako, na weka vitu vya thamani mbali.
• Thibitisha mtu. Hakikisha anayefika ndiye uliyezungumza naye.

Kwa mafundi

• Toa makadirio mapema (quotation), kwa maandishi kwenye chat, ili kuepuka mvutano wa malipo.
• Fika kwa wakati na fanya kazi kwa weledi. Nyota nzuri zinakupandisha juu kwenye orodha.
• Kibarua unayemchukua ni jukumu lako. Kubalianeni malipo na kazi kabla ya kuanza, na mpe kazi salama.
• Linda akaunti yako. Usimpe mtu yeyote password wala kodi ya OTP, hata kama anasema anatoka Fundi Mkononi.

Kwa vibarua

• Kubaliana malipo kabla ya kuanza kazi, na muda wa kulipwa.
• Usilipe pesa kupata kazi. Fundi au mteja anayekuomba pesa ili akupe kazi ni ishara ya utapeli. Ada pekee unayolipa ni ya kuonekana kwenye orodha, kupitia akaunti yako.
• Mjulishe mtu wa karibu unapoenda kazini eneo usilolijua.
• Kataa kazi isiyo salama kama huna vifaa vya kujikinga.

Ishara za utapeli

• Mtu anakuomba utume pesa "kwanza" kabla ya kuonana.
• Mtu anakuomba kodi ya OTP uliyotumiwa kwa SMS.
• Mtu anakupeleka kwenye tovuti au namba nyingine "ya Fundi Mkononi".
• Bei au ofa ambayo ni nzuri kupita kiasi.

Ukiona jambo kama hili, bonyeza Ripoti kwenye wasifu, kibarua au chapisho husika, au wasiliana nasi kwa WhatsApp: kitufe cha WhatsApp chini ya ukurasa. Kama kuna kosa la jinai, ripoti pia kwenye kituo cha polisi kilicho karibu.