Vigezo na Masharti

Yalisasishwa: Oktoba 2026

Karibu FUNDI MKONONI ("sisi", "jukwaa"), huduma inayoendeshwa kutoka Dar es Salaam, Tanzania. Kwa kutumia tovuti ya fundimkononi.com au app ya Fundi Mkononi, unakubali vigezo hivi. Kama hukubaliani navyo, usitumie huduma.

1. Fundi Mkononi ni nini

Fundi Mkononi ni jukwaa la kidijitali linalowaunganisha wateja, mafundi wa kujitegemea na vibarua (wasaidizi). Sisi si waajiri wa mafundi wala vibarua, si wakala wao, na hatutoi huduma za ufundi sisi wenyewe. Makubaliano yoyote ya kazi ni kati ya pande zinazohusika moja kwa moja.

2. Nani anaweza kutumia

• Lazima uwe na miaka 18 au zaidi kufungua akaunti ya fundi au kibarua, au kuweka miadi.
• Akaunti moja kwa mtu mmoja. Usifungue akaunti kwa jina la mtu mwingine.
• Unawajibika kulinda password yako na kila kinachofanyika kwenye akaunti yako.

3. Taarifa za kweli

Unakubali kutoa taarifa za kweli: jina, namba ya simu, eneo, huduma unazotoa, bei ya kuanzia, picha za kazi zako mwenyewe, na namba ya NIDA (kwa mafundi wanaoomba uthibitisho). Taarifa za uongo, picha za kazi za mtu mwingine, au kujifanya mtu mwingine ni sababu ya kufungiwa akaunti mara moja.

4. Ada na malipo kwa Fundi Mkononi

• Mafundi wanaweza kulipia kifurushi cha mwezi (Kawaida au VIP) ili waonekane kwenye orodha. Vibarua wanalipia ada ya kuonekana kwenye orodha ya vibarua kwa idadi ya siku iliyotajwa wakati wa kulipa. Bei za sasa zinaonyeshwa kwenye ukurasa wa malipo kabla hujalipa.
• Malipo yanafanyika kwa M-Pesa, Tigo Pesa au Airtel Money. Hatuhifadhi PIN wala taarifa za akaunti yako ya pesa.
• Ada inalipia kuonekana kwenye orodha, si ahadi ya kupata wateja au kazi.
• Marejesho: ada iliyolipwa hairudishwi baada ya akaunti kuanza kuonekana. Ukilipa mara mbili kwa makosa, au ukakatwa pesa bila akaunti kuwashwa, wasiliana nasi ndani ya siku 14 na tutarekebisha au kurudisha.
• Wakati wa ofa ("Free Mode" au "Bure kwa sasa"), tunaweza kuacha kutoza ada kwa muda. Tunaweza kurudisha ada wakati wowote, na tutatoa taarifa kwenye tovuti.

5. Malipo ya kazi

Malipo ya kazi yenyewe yanafanyika moja kwa moja kati ya mteja na fundi au kibarua. Fundi Mkononi haipokei, haishikilii, wala haidai malipo hayo. Kubalianeni bei, muda na kinachofanywa kabla kazi haijaanza.

6. Vibarua

• Kibarua anayejisajili anakubali namba yake ya simu ionyeshwe kwa fundi au mteja aliyeingia kwenye akaunti, ili wamtafute kwa kazi.
• Kila anayepata namba ya kibarua anarekodiwa kwenye mfumo. Usitumie namba hizo kwa jambo lingine lolote zaidi ya kazi, kama matangazo, kuziuza au kumsumbua mtu.
• Kuwasha "Niko tayari leo" ni taarifa tu; si mkataba wa kazi.

7. Jamii

Unapoandika kwenye Jamii unawajibika kwa unachoandika, na lazima ufuate Sheria za Jamii. Unatupa ruhusa ya kuonyesha machapisho yako kwenye tovuti na app. Unaweza kuyafuta wakati wowote.

8. Maoni na nyota

Maoni yawe ya kweli na yatokane na uzoefu halisi. Ni marufuku kununua maoni, kuandika maoni ya uongo, au kumwandikia mshindani maoni mabaya. Tunaweza kuondoa maoni yanayokiuka sheria hii.

9. Yasiyoruhusiwa

Utapeli, kuomba pesa kabla ya kuonana kwa nia mbaya, matusi, ubaguzi, vitisho, kushiriki taarifa binafsi za mtu bila ruhusa, matangazo ya bidhaa zisizo halali, kuvuna (scraping) taarifa za watumiaji, na kujaribu kuvunja usalama wa mfumo.

10. Kusitisha akaunti

Tunaweza kuficha, kusimamisha au kufuta akaunti au chapisho linalokiuka vigezo hivi, au linalopata malalamiko mengi ya kweli, bila kurudisha ada iliyolipwa. Wewe unaweza kufuta akaunti yako wakati wowote kwenye fundimkononi.com/futa-akaunti.

11. App ya simu

App ya Fundi Mkononi kwenye Google Play inafungua huduma ile ile ya tovuti, na vigezo hivi vinahusu app pia. Baadhi ya huduma, kama malipo ya vifurushi, zinaweza zisipatikane ndani ya app.

12. Mabadiliko

Tunaweza kubadilisha vigezo hivi. Mabadiliko makubwa yatatangazwa kwenye tovuti angalau siku 7 kabla hayajaanza kutumika. Ukiendelea kutumia huduma baada ya hapo, unakubali vigezo vipya.

13. Sheria inayotumika

Vigezo hivi vinaongozwa na sheria za Jamhuri ya Muungano wa Tanzania. Migogoro itajaribiwa kutatuliwa kwa mazungumzo kwanza, na ikishindikana, itapelekwa kwenye mahakama za Tanzania.

14. Wasiliana nasi

Email: [email protected] · WhatsApp: kitufe cha WhatsApp chini ya ukurasa · Ofisi: Dar es Salaam, Tanzania